شارەزایەکی کەشناسی زانیاری نوێ لەبارەی بارانبارینەکەی ئەمشەو دەخاتە ڕوو دەڵێت:” کە هێزی شەپۆلەکە له‌دره‌نگانێكی ئه‌مشه‌وه‌وە ده‌ستپێده‌كات و تا دره‌نگانێكی شه‌و بارانی ناوبه‌ناوی به‌هێز و ته‌رزه به‌رده‌وام ده‌بێت و ئه‌گه‌ری هه‌وره تریشقه‌ی توند و بای توند هه‌یه.
محه‌مه‌د كه‌لاری، شاەزای کەشناسی بڵاویکردووەتەوە، هێزی شه‌پۆله‌كه له‌دره‌نگانێكی ئه‌مشه‌وه ده‌ستپێده‌كات له‌ناوچه‌كانی هه‌رێمی كوردستان پێشبینیم وایه له‌دوای كاژێر 1:00ی ئه‌مشه‌وه‌وه كاریگه‌ری ده‌ریای سور ده‌ست به‌چالاكی بكات به‌ته‌واوی و زۆرترین هه‌وری كه‌ڵه‌كه‌بووی بروسكاوی بگاته سه‌رانسه‌ری شاره‌كانی هه‌رێكی كوردستان به‌هاوبه‌شی ده‌ریای ناوه‌ڕاست.
ئاماژەی بەوەشکردووە:” سبه‌ی به‌گشتی له‌سه‌رجه‌م ناوچه‌كانی هه‌رێمی كوردستان ئه‌گه‌ری بارینی بارانی به‌هێز هه‌یه به‌شێوه‌ی تاوه باران واتا هه‌ندێ جار بارانێكی مامناوه‌نده و هه‌ندێ جاریش بارانێكی زۆر به‌هێز و تەرزە ده‌بارێت تا دره‌نگانێكی شه‌و بارانی ناوبه‌ناوی به‌هێز و ته‌رزه به‌رده‌وام ده‌بێت و ئه‌گه‌ری هه‌وره تریشقه‌ی توند و بای توند هه‌یه”.
ئەو شارەزایەی کەشناسی هۆشداری دەدات ودەڵێت:” هۆشداری ده‌ده‌م سبه‌ی له‌سه‌نته‌ری شاره‌كان ئه‌و شوێنانه‌ی نزمن ئه‌گه‌ری به‌رزبونی ئاستی ئاووی هه‌یه و له‌چه‌م و دۆڵه‌كانیش لافاوی زۆر دێت به‌تایبه‌ت سنوری گه‌رمیان و هه‌ڵه‌بجه و سلێمانی و هه‌ولێر و سۆران زۆر پێوسته هاووڵاتییان هۆشیاربن كه له چ شوێنێك هاتووچۆ ده‌كه‌ن و له چ شوێنێك ئۆتۆمبێل ڕاده‌گرن وه هه‌روه‌ها دوربن له‌جێگای به‌رز به‌هۆی چالاكی هه‌وره تریشقه‌ی توند.
