دوای بڕیارەکەی وەزارەتی کشتوکاڵ بۆ هەڵگرتنی قەدەغەی سەر هاوردەکردنی تەماتە، نرخەکەی لە بازاڕدا دابەزی.
ئەمڕۆ چوارشەممە، بەڕێوەبەرایەتی گشتی کشتوکاڵی سلێمانی ڕایگەیاند، نرخی کیلۆیەک تەماتەی ناوخۆ لە نێوان 500-1000 دیناردایە، ئەمەش لە کاتێکدایە کە دوێنی نرخەکەی لە نێوان 1000-1250 دیناردا بوو.
دوای بڕیارەکەی وەزارەتی کشتوکاڵیش بۆ هەڵگرتنی قەدەغەی سەر هاوردەکردنی تەماتە، هاوردەکردن دەستیپێکرد و بە پێی ڕاگەیەندراوەکەی بەڕێوەبەرایەتی کشتوکاڵی سلێمانی، ئەمڕۆ نرخی کیلۆیەک لە نێوان 750-800 دیناردایە.
