بەڕێوەبەرایەتیی نەوت و کانزاکانی سلێمانی بڵاویکردەوە، ئەو بڕە نەوتەی بڕیارە حکومەتی عێراق رەوانەی بکات، بەهۆی کەمی بڕەکەیەوە لە ناو سەنتەری شاری سلێمانی دابەشناکرێت.
ئەمڕۆ دووشەممە، بەڕێوەبەرایەتیی نەوت و کانزاکانی سلێمانی لە روونکردنەوەیەکدا بڵاویکردەوە، “بڕی ئەو نەوتەی کە بڕیارە لەلایەن حکومەتی عێراقەوە بنێردرێت بۆ سنوورەکانی پاێزگای سلێمانی و هەردوو ئیدارەی راپەرین و گەرمیان ٢١ ملیۆن لیترە، ئەمەش تەنها بەشی ناوچە شاخاوییە ساردەکان دەکات و لەناو سەنتەری شار دابەش ناکرێت”.
نەوت و کانزاکانی سلێمانی ئاماژەی بەوەشکرد، دابەشکردنی ئەو نەوتەی لەلایەن وەزارەتی سامانە سروشتییەکانەوە دابینکراوە بە نرخی ١٠٣ هەزار و ٥٠٠ دینار لە سەنتەری شاری سلێمانی لە مەڵبەندەکانی حەوت و هەشت بەردەوامە.
