ئیمانوێل ماكرۆن سەرۆكی فەرەنسا ڕایدەگەیەنێت، بەنیازە پەیوەندی بە ڤلادیمێر پۆتین سەرۆكی ڕووسیاوە بكات و گفتووگۆی لەگەڵ بكات سەبارەت بە بابەتی بۆردومانەكان و هێرشی فڕۆكە بێفڕۆكەوانەكان لە ئۆكراینا.
ماكرۆن لە كۆتایی لوتكەی ئەوروپایی كە لە برۆكسل سازكرا بە ڕۆژنامەوانانی ڕاگەیاند:”لەگەڵ پۆتین بابەتی پاراستنی ئاسایشی وێستگەی ئەتۆمی زابۆرۆژیا تاوتوێ دەكات”.
بە وتەی سەرۆكی فەرەنسا:”ئەوەی لەمڕۆدا گرنگە و پێویستە جەختی لەسەر بكرێتەوە، بانگەشەكردنە بۆ ئاگربەست و ڕاگرتنی بۆردومان و هێرشی فڕۆكە بێفڕۆكەوانەكانە”.
ماكرۆن دەڵێت:”بەنیازم پەیوەندی بە سەرۆك پۆتینەوە بكەم لەوبارەیەوە، چونكە ئاشكرایە ئەو هێرشانە بەشێكی گەورەیان دەبنە تاوانی جەنگ، بەو پێیەی ژێرخانی مەدەنی و مەدەنییەكان دەكەنە ئامانج”.
ماكرۆن پێیوایە”ئەمە سروشتی ئەو ئۆپەراسشیۆنە تایبەتە نەبوو كە پۆتین بەرپای كرد، ئەو جەنگەی لە سەرەتاوە هەڵیگیرسا، داگیركردنی خاك بوو”.
