لەڕاگەیەنراوێکدا بەڕێوەبەرایەتی شارەوانی سلێمانی هاوڵاتیان ئاگادار دەکاتەوە شەقامی دابان لەگەڕەکی کارێزەوشکی شاری سلێمانی بەمەبەستی کارکردن و نۆژەنکردنەوەی بۆماوەی سێ ڕۆژ دادەخرێت.
لە ڕاگەیەنراوەکەدا بەڕێوەبەرایەتی شارەوانی سلێمانی سەرجەم شۆفێران و هاوڵاتیان ئاگادار دەکاتەوە بۆ ماوەی سێ ڕۆژ کار لە شەقامی دابان لە گەڕەکی کارێزەوشک دەکرێت و قیرتاو دەکرێت و بەوهۆیەوە داداخرێت.
ئاماژە بەوەش کراوە، بەهۆی قیرتاوکردنەوە، شەقامەکە لەپێش مزگەوتی داروسەلام بە ئاڕاستەی مزگەوتی شەفیق بەگ بەڕووی شۆفێراندا دادەخرێت.
سەرۆکایەتی شارەوانی سلێمانی داوا لە هاوڵاتییان و کاسبکاران و دانیشتوانی ئەو گەڕەکە دەکات کە نزیکن لە شەقامەکەوە هاوکاریی و هەماهەنگی تیمەکانیان بکەن و هەتا قیرتاوکردنەکە کۆتایی دێت ئاو نەڕێژنە سەر شەقامەکە.
