ئەمڕۆ پێنجشەممە لە ڕووداوێکی هاتووچۆدا لە ڕێگای نێوان کەرکوک – بەغدا، چوار منداڵ گیانیان لەدەستدا و دایک و باوکیان بە سەختی برینداربوون.
سەرچاوەیەکی ئەمنی لە دیالە ئاماژەی بەوەکردووە، ڕووداوەکە لەڕێگای نێوان کەرکوک – بەغدا ڕوویداوە و ئەو چوارمنداڵەی گیانیان لەدەستداوە منداڵی یەک خێزانن و دایک و باوکیشیان بەسەختی برینداربوون.
باسی لەوەکردووە، ڕووداوەکە لەجۆری وەرگەڕان بووە و جۆری ئۆتۆمبێلەکەش پرادۆ بووە.
ئەوەخراوەتەڕوو، ئەو خێزانەی تووشی رووداوەکەبوون ، خەڵکی بەغدان و بەرەو پارێزگای هەولێر ڕۆیشتوون.
