مەسرور بارزانی و باڵیۆزی سوید لە کۆبوونەوەیەکدا جەختیان لە گرنگیی و پێویستی رێزگرتن لە رێککەوتننەکانی نێوان هەردوولا و دابینکردنی ماف و شایستە دارایی و دەستوورییەکانی هەرێمی کوردستان کردەوە.
بە گوێرەی راگەیێندراوێکی حکومەتی هەرێمی کوردستان، مەسرور بارزانی، سەرۆکی حکومەتی هەرێمی کوردستان ئەمڕۆ دووشەممە ٥ – ٦ – ٢٠٢٣ لەگەڵ جێسیکا سڤاردسترۆم، باڵیۆزی سوید لە عێراق کۆبووەوە.
هەردوولا گفتوگۆیان لەبارەی بارودۆخی گشتیی عێراق و برەودان بە پەیوەندییەکانی هەرێمی کوردستان و سوید کرد.
سەبارەت بە پەیوەندی حکومەتی هەرێمی کوردستان لەگەڵ حکومەتی فیدراڵ، مەسرور بارزانی و باڵیۆزی سوید لە کۆبوونەوەکەدا جەختیان لە گرنگیی و پێویستی رێزگرتن لە رێککەوتننەکانی نێوان هەردوولا و دابینکردنی ماف و شایستە دارایی و دەستوورییەکانی هەرێمی کوردستان کردەوە.
بەپێی راگەیەنراوەکە، هەردوو لا، گفتوگۆیان لەبارەی دۆخی ناوخۆی هەرێمی کوردستان و گرنگیی ئەنجامدانی هەڵبژاردنی پەرلەمانی کوردستان كرد.
لای خۆیەوە مەسرور بارزانی، سەرۆکی حکومەتی هەرێمی کوردستان دووپاتی کردووەتەوە، پێویستە هەڵبژاردن لە کاتی دیاریکراوی خۆی لەمساڵدا بکرێت.
