ئەندامێكی شاندی ئیمرالی و پەرلەمانتاری دەم پارتی ڕایدەگەیەنێتن، ڕۆژی دوای خوێندنەوەی بانگەوازەكەی ئۆجەلان، باخچەلی پەیوەندی پێوەكردم و پێی وتم: من بەرپرسیارێتی خۆم ئەنجام دەدەم.
پەروین بوڵدان، ئەندامی شاندی ئیمرالی ڕایگەیاندووە، ئەو ڕۆژەی بانگەوازەکەی ئۆجەلانمان بۆ ڕای گشتی بڵاوکردەوە، دەوڵەت باخچەلی هەوڵیدابوو پەیوەندیمان پێوە بکات، بەڵام نەیتوانیبوو ئێمەی دەستبكەوێت، بۆ ڕۆژی دواتر لە سکرتاریەتی گشتی مەهەپە تەلەفۆنیان بۆ کردم و وتیان سەرۆکی گشتیمان دەیەوێت قسەت لەگەڵ بکات، یەکسەر پەیوەندی تەلەفۆنییان بە باخچەلی بۆ رێكخستم.
وتیشی: باخچەلی لە پەیوەندییە تەلەفونیەكەدا سوپاسی ئەو پرۆسەی دیالۆگەی کرد لەگەڵ ئیمرالی ئەنجامماندا و ئەو هەوڵانەی خستمانەگەڕ.
ئاشكاشی كرد، باخچەلی وتی، پیرۆزە، من بەرپرسیارێتی خۆم ئەنجام دەدەم، خۆشحاڵی زۆریشی دەربڕی، کە من بەزمانی تورکی بانگەوازەکەم خوێندەوە.
