بەڕێوەبەرایەتی پۆلیسی دارستان و ژینگەی سلێمانی ڕایدەگەیەنێت، لە سنووری قەرەداغ سێ ڕاوچی دەستگركراون و ئۆتۆمبێلێك دەستی بەسەرداگیرا.
بەڕێوەبەرایەتی پۆلیسی دارستان و ژینگەی سلێمانی لە ڕاگەیەنراوێكدا ئاماژەی بەوەكردووە، لە ئەنجامی چاودێری و گەڕان و پشکنینی سنوری قۆپیەکانی قەزای قەرەداغ ، خاڵی وەزیارەی سەر بە بەشی پۆلیسی دارستان و ژینگەی قەرەداغ توانیان سێ تۆمەتبار دەستگیر بکەن کە بەمەبەستی ڕاوکردن هاتبونە سنورەکە .
ڕاشیگەیاندووە، دەستگیرا بەسەر یەک ئوتۆمێلی جۆری لاندکروزەر لەگەڵ یەک چەکی جۆری HUBEN هەروەها 12 گولە و یەک چەقۆ و یەک دوربینی سەر چەک .
دەشڵێت: لە ئێستا دا پەڕاوی لێکۆڵینەوەی بۆ کراوەتەوە و بەبڕیاری بەڕێز دادوەری لێکۆڵینەوەی سلێمانی/٢ ڕاگیران و ڕێکاری یاسایی لەدژیان گیراوەتەبەر .
