کەشناسێکی کورد ئاشکرایدەکات، کەلە چوارشەممەی ئەم هەفتەیەوە شەپۆلێکی بارانبارینی چەند ڕۆژی هەرێمی کوردستان دەگرێتەوە و ڕۆژی هەینی چەقی شەپۆلەکە دەبێت.
سیروان ساڵح، شارەزا لە بواری کەشناسی بڵاویکردووەتەوە: لە ڕۆژی چوارشەممەی ئەم هەفتەیەوە تا یەکشەممەی هەفتەی داهاتوو شەپۆلێکی بارانبارینی ناوبەناوی دەریای سوور بەبڕی جیاواز ناوچەکانی گەرمیان و هەرێمی کوردستان دەگرێتەوە.
باسی لەوەشکردووە: درەنگانێکی ئێوارەی هەینی و ڕۆژی شەممە و یەکشەممە چەقی بەهێزی کاریگەری شەپۆلەکەیه، ڕۆژی چوارشەممە تا هەینی کاریگەری لێرە و لەوێ و لاواز دەبێت.
دەشڵێت: بەرزترین کاریگەری شەپۆلەکە لە ناوچەکانی ناوەڕاست و باشووری عێراقە و ئەگەری بارانی زۆر و لافاو هەیە لەوناوچانە، بەتایبەت هەینی و شەممە.
ئەوەشی وتووە: باشووری گەرمیان کاریگەری زۆرباش دەبێت، بارانی زۆرباش باش هەیە، ناوەڕاستی گەرمیان بۆ ناوەند باش دەبێت.
ئاماژەی بەوەشكردووە: ناوچەکانی پارێزگای سلێمانی و هەڵەبجە بارانبارینەکە لاواز تا مامناوەند دەبێت، ناوچەکانی بەشێکی هەولێرو و بەتایبەت پارێزگای دهۆک لاواز دەبێت.
