پۆلیسی سلێمانی ئەو تۆمەتبارەی دەستگیر کرد، کە شەوی ڕابردوو لە گەڕەکی سەرچنار تەقەی لە گەنجێک کرد کە شۆفێری ئەمبۆڵانسە لە تەندروستی سلێمانی و گیانی لە دەستدا.
لە ڕاگەیەندراوێکی پۆلیسی سلێمانیدا هاتووە: شەوی ڕابردوو لە گەڕەكی سەرچنار لەشاری سلێمانی لە ڕووداوێكدا هاووڵاتییەك بە فیشەك كوژرا و تۆمەتبار هەڵات، دەستبەجێ هێزەكانی پۆلیس گەیشتنە شوێنی ڕووداوەكەو لێكۆڵینەوە بۆ دۆینەوەو دەستگیركردنی تۆمەتبار دەستیپێكرد.
دەشڵێت: “سەرەنجام توانرا لەلایەن بەشی پۆلیسی نەهێشتنی تاوانی سلێمانییەوە لەماوەی كەمتر لەهەشت کاتژمێر تۆمەتبار بدۆزرێتەوەو دەستگیربكرێت”.
بەڕێوەبەرایەتی پۆلیسی سلێمانی ڕاشیگەیاندووە: لە ئێستادا تۆمەتبار (خ، ئ، م) لەدایكبووی 1972 بەبڕیاری دادوەرو بەپێی ماددەی 406 لە یاسای سزادانی عێراقی ڕاگیراوەو دانی ناوە بە تاوانەكەیدا.
