بەفربارین دەستپێدەکاتەوە و پلەکانی گەرما نزم دەبنەوە

کەشناسی هەرێم ڕایگەیاند، ئەمڕۆ ئاسمان نیمچەهەور بۆ هەوری تەواو دەبێت و بۆ ئێوارە لەناوچە شاخاوییەکان ئەگەری کەمێک بەفربارین هەیە.

بەپێی ڕاپۆرتی کەشناسی هەرێم، ئەمڕۆ دووشەممە، ئاسمان لەنێوان نیمچە هەور بۆ هەوری تەواو دەبێت بەتایبەتی لەناوچە شاخاوییەکان، لەکاتەکانی ئێوارە ئەگەری کەمێک بەفربارین هەیە بەتایبەتی لەناوچە شاخاوییە سنوورییەکانی باکوور و رۆژهەڵات.

دەشڵێت: پلەکانی گەرما کەمێک نزم دەبێتەوە بە یەک بۆ دوو پلەی سیلیزی بەتایبەتی لەناوچەبەرزەکان بەراورد بە تۆمارکراوەکانى دوێنێ.

باسی لەوەشکردووە: سبەینێ سێشەممە، ئاسمان تەنکە هەوری بەرز دەبێت لەزۆربەی کاتەکاندا. پلەکانی گەرما بەگشتی بەرز دەبێتەوە بە دوو بۆ چوار پلەی سیلیزی بەراورد بە تۆمارکراوەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 18 پلەى سیلیزى

سلێمانی: 13 پلەى سیلیزى

دهۆک: 15 پلەى سیلیزى

کەرکوک: 19 پلەى سیلیزى

زاخۆ: 16پلەى سیلیزى

هەڵەبجە: 14 پلەى سیلیزى

حاجی ئۆمەران: 2 پلەى سیلیزى

سۆران: 14 پلەى سیلیزى

گەرمیان: 18پلەى سیلیزى