تا ئێستا 137 دوکانی بازاڕی قه‌یسه‌ری ڕادەستی خاوەنەکانیان کراونەتەوه و بڕیارە پێش جەژنی ڕەمەزان نۆژەنکردنەوەی بەشە مێژووییەکەشی تەواو بێت.
ئەمڕۆ دووشەممە، پارێزگای هەولێر ڕایگەیاند، نزیکەی هەشی مانگە کارکردن لە نۆژەنکردنەوەی بازاڕی قەیسەریی هەولێر بەردەوامە کە گوژمەى 5 ملیار و 300 ملیۆن دیناری لەسەر بودجەى پارێزگاى هەولێر بۆ تەرخان کراوە.
ڕوونیشیکردەوە کە تا ئێستا 137 دوکان ڕادەستی خاوەنەکانیان کراونەتەوە، ئەو بەشەی دیکەش کە بە بەشە مێژوویەکە ناسراوە بڕیارە پێش جەژنی ڕەمەزان تەواوبکرێت و ڕادەستی خاوەنەکانیانی بکرێتەوە.
ڕاشیگەیاند، بازاڕی قەیسەریی کۆنی هەولێر پێکهاتووە لە 138 دوکان لە نهۆمی ژێرەوە و 55 دوکان لە نهۆمی سەرەوە، زۆرینەی کارەکانی هەردوو نهۆمەکە تەواو بوون و پێش جەژن سەرجەم دوکانەکان ڕادەستی خاوەنەکانیان دەکرێن.
