بەرەوپێشچوونی نوێ لە پرۆسەی ئاشتی تورکیا هاتووەتە ئاراوە و دەنگۆی ئەوە هەیە کە سەرۆکی مەهەپە پەیوەندی تەلەفۆنی لەگەڵ سەڵاحەدین دەمیرتاش ئەنجامداوە.
ناگەهان ئاڵچی، نووسەری کەناڵی “خەبەر تورک” ڕایگەیاند، دەوڵەت باخچەلی، سەرۆکی گشتی مەهەپە پەیوەندییەکی تەلەفۆنی لەگەڵ سەڵاحەدین دەمیرتاش، هاوسەرۆکی پێشووی هەدەپە ئەنجامداوە کە ئێستا لە گرتووخانەیەکی شاری ئەدرنە زیندانیکراوە.
تائێستا هەواڵی پەیوەندییە تەلەفۆنییەکە بە فەرمی پشتڕاستنەکراوەتەوە، بەڵام ئەم دەنگۆیە دوای ئەوە هات کە دەمیرتاش لە پەیامێکد پشتیوانی خۆی بۆ پرۆسەی ئاشتی دەربرێ.
دەمیرتاش لە پەیامەکەیدا هیوای سەرکەوتنی بۆ هەوڵەکەی عەبدوڵا ئۆجالان، ڕەجەب تەیب ئەردۆغان و هەروەها دەوڵەت باخچەلی خواست کە خاوەنی دەستپێشخەریی ئاشتییەکەیە.
دەمیرتاش ئامادەییشی بۆ هاوکاریکردنی سەرخستنی پرۆسەکە ڕاگەیاند.
