وتەبێژی وەزارەتی پەروەردە پشووی بەهارەی بۆ ناوەندەکانی خوێندن دیاریکرد و دەڵێت”ئەو ناوەندانەی ساڵنامەی وەزارەتیان تەواوکردووە پشووەکە دەیانگرێتەوە”.
سامان سیوەیلی، وتەبێژی وەزارەتی پەروەردە ڕایگەیاند، ئەو ناوەندانەی خوێندنی حکومی کە ساڵنامەی وەزارەتییان وەک خۆی پیادەکردوە هەروەها هەموو ناوەندەکانی خوێندنی ناحکومی ، پشووی بەهارە دەیانگرێتەوە.
ئاماژەی بەوەشداوە، پشووەکە لەرێکەوتی ١١ی ٣ی ٢٠٢٥ دەستپێدەکات، تا ٢٣ی ٣ی ٢٠٢٥ ، رۆژی دووشەممە ٢٤ی ٣ی ٢٠٢٥ دەوامی ئاسایی ناوەندەکانی خوێندن دەستپێدەکاتەوە.
