ڕەنگە بەشێک لە وەرزشکاران لەمانگی ڕەمەزاندا کێشیان دابەزێت و هەندێک ماسولکە لەدەست بدەن، ئێمە لەڕێگەی چەند ئامۆژگارییەکەوە کە لە پسپۆڕان وەرگیراون چەند ڕێنماییەک دەخەینەڕوو بۆئەوەی پارێزگاری لە ماسولکەکانت بکەیت.
لە ماڵپەڕی بزنس ئینسایدەرەوە چەند ڕینماییەک بڵاوکراوەتەوە ئەوانیش تایبەتن بە وەرزشکردن و پارێزگاری لە ماسولکەکان لەمانگی پیرۆزی ڕەمەزاندا، هاوکات ئەگەر ئارەزووی ئەوەت هەیە لە مانگی ڕەمەزاندا دەست بە ماسولکەکانتەوە بگرێت، پێویستە ئەم کارانەی خوارەوە ئەنجام بدەیت:
لە ڕۆژدا ڕاهێنانی هێز ئەنجام بدە، هەفتەی تەنها دوو جار کاردیۆ ئەنجام بدە، و دوای نانی بەیانی ئەنجامی بدە.
تەرکیز لەسەر ڕاهێنانە سووکەکان بکە، وەک ڕۆیشتنێکی خێرا لە ڕۆژدا، هەروەها ڕاهێنانە چڕەکان بۆ دوای نانی ئێوارە پاشەکەوت بکە.
پێش سوهور ڕاهێنانی کێشی قورس ئەنجام بدە، بۆ ئەوەی دوای ئەوە بە شێوەیەکی دروست سووتەمەنی پڕ بکەیتەوە.
لە مانگی ڕەمەزاندا ڕاهێنانێکی نوێی و ماندووکەر دەستپێمەکە، بەڵکو لەسەر هەمان پەیڕەو و بەرنامەی پێشوت بەردەوامبە، هیچ شتێک لەوە زیاتر پێویست نییە بۆ پاراستنی ماسولکەکانت لەوەی بەردەوام بیت لە جوڵە و چالاکی.
جولیانا کامپۆس، ڕاهێنەری بڕوانامەدار لە بواری لەشجوانیدا دەڵێت: دوور بکەوەرەوە لە خۆراکە پرۆسێس کراوەکان و شەکرە پاڵاوتەکان لە مانگی ڕەمەزاندا “بۆ ئەوەی یارمەتی ڕێکخستنی ئاستی وزەت بدات”.
ئەگەر دوای نانی بەیانی ڕاهێنان دەکەیت، لە کاتی ڕاهێنان و دوای ڕاهێنان ئاو بخۆرەوە، بەڵام لە کاتی نانی بەیانیدا زۆر ئاو مەخۆرەوە، بۆ ئەوەی لەش بە باشی شلەمەنیەکان هەڵبمژێت، دوور بکەوەرەوە لە کافاین، چونکە دەبێتە هۆی زیاتر وشکبوونەوەی لەش.
زیاد لە پێویست مەخۆ یان زیادەڕەوی لە خورمادا مەکە هەرچەندە خورما سەرچاوەیەکی گەورەی وزەیە و دەوڵەمەندە بە پۆتاسیۆم کە یارمەتی ماسولکەکانت دەدات کاربکات، بەڵام ڕێژەیەکی زۆر شەکریشی تێدایە. ئاستی وزەت بەرز ڕابگرە بە گرنگیدان بە خۆراکە خۆراکی و ڕەنگاوڕەنگەکان، وەک کاربۆهیدراتی ئاڵۆز و ڕیشاڵ.
خورما سەرچاوەیەکی گەورەی وزەیە و دەوڵەمەندە بە پۆتاسیۆم کە یارمەتی ماسولکەکانت دەدات کاربکات بەڵام ڕێژەیەکی زۆر شەکریان تێدایە (پێکسڵ).
ئەگەر پێشتر کاتژمێرێک وەرزشت کردووە، لەڕەمەزاندا بۆ ماوەی ٤٥ خولەک کەمی بکەرەوە.
لە ڕەمەزاندا واباشە فشارێکی زۆر لەسەر خۆت نەکەیت، وە باشتر وایە تەرکیزت لەسەر پاراستنی لەشجوانی و ڕێژیمی وەرزشی ئێستات بێت، نەک هەوڵبدەیت لە مانگی ڕەمەزاندا دەستکەوتی زیادە بەدەستبهێنیت.
