لەدرێژەی بەدواداچونەکانی لیژنە هاوبەشەکانی قائیمقامیەتی سلێمانی، لە کۆگایەکدا دەستگیرا بەسەر زیاتر لە 60 تۆن گۆشتی بەستوودا کە هاوردەی سلێمانی کرابوو.
ئەمڕۆ یەکشەممە، گۆران قادر، سەرۆکی لیژنە هاوبەشەکانی قائیمقامیەتی سلێمانی ڕایگەیاند: ئەو گۆشتە هاوردەی سلێمانی کراوەو لە کۆگایەکدا لیژنەکان دەستیان بەسەردا گرتووە.
وتیشی: گۆشتە بەستووەکە و بەشێوەی پارچەی ناو کارتۆن و لاکی تەواوەتی ئاژەڵە، بەشێکی بەسەرچووە و جیاکراوەتەوە، بەشەکەی تری بەسەرنەچووە، بەڵام دووجار پشکنینی بۆکراوە، دەرکەوتووە شیاو نییە بۆخواردن، هەربۆیە بەفەرمانی قائیمقامی سلێمانی تەواوی گۆشتە بەستووەکە دەستی بەسەردا گیرا و لەناودەبرێت.
