نرخی دۆلار بەردەوامە لە دابەزین و بەراورد و ئاڵوگۆڕێکی دراویش دوو هۆکار باس دەکات بۆ نزمبوونەوەکە.
شوان هادی، لە نووسینگەی یۆرۆ بۆ ئاڵوگۆڕی دراو لە بازاڕی دۆلارەکەی سلێمانی بە “تۆڕی میدیایی خەڵک”ی ڕاگەیاند: لە ئێستادا 100 دۆلاری ئەمریکی بەرانبەر بە 147 هەزار و 250 دینارە.
وتیشی: “هۆکاری نزمبوونەوەی بەردەوامی نرخی دۆلار بەرانبەر بە دیناری عێراقی، بۆ دوو هۆکار دەگەڕێتەوە”
باسی لەوەشکرد: هۆکاری یەکەم ئەوەیە کە خواست لەسەر کڕینی دۆلار کەمبووەتەوە، هۆکاری دووەمیش جێگیری دۆخی سیاسی عێراقە.
ئەوەشی خستەڕوو: زۆربەی بازرگان و ئەوانەی دەچنە دەرەوە لە کۆمپانیاکان بە نرخی بانکی ناوەندی دۆلار وەردەگرن.
