بەڕێوەبەرایەتی گشتی کارەبای سلێمانی پارەی مۆلیدەی بۆ مانگی شوبات ڕاگەیاند و خشتەی کارکردنیشیان گۆڕانکاریی بەسەردا هات.
ئه‌مڕۆ یه‌كشە‌ممه، بەڕێوەبەرایەتی گشتی کارەبای سلێمانی ڕایگەیاند، لیژنەی دیاریكردنی نرخی مۆلیدە ئه‌هلییه‌كان کۆبووەوە و به‌پێی نرخی سووته‌مه‌نی له بازاڕه‌كاندا نرخی هه‌ر كاتژمێرێك کارەبای مۆلیدە بۆ یه‌ك ئه‌مپێر 44 دینارە.
ڕوونیشیکردەوە به‌مه‌ش نرخی یه‌ك ئه‌مپێر كاره‌بای مۆلیدەی ئه‌هلی گه‌ڕه‌كه‌كان له ناوشاری سلێمانی له‌نێوان (14,000) بۆ (15,000) دیناره، بەو پێیەى لە نێوان (310 بۆ 340) کاتژمێر کاریان کردووە.
لە ڕاگەیەندراوەکەی کارەبای سلێمانیدا هاتووە کە خشته‌ی كارپێكردنی مۆلیدە‌کان بۆ ئەم مانگە بەم شێوەیە دەبێت:
ڕۆژانە لەکاتژمێر 12:00ی نیوەڕۆ تا 1:00ی شەو کاردەکەن.
کاتژمێر 1ی شەو دەکوژێتەوە تا 3:30ی بەیانی
کاتژمێر3:30ی بەیانی تا 8:00ی بەیانی کاردەکەن
کاتژمێر8:00ی بەیانی تا 12؛00ی نیوه‌ڕۆ کارناکەن
ئەوەشی خستەڕوو کە ڕۆژانی هه‌ینی و شه‌ممه و پشووه فه‌رمیه‌كان کاتژمێر3:30ی بەیانی تا 6:00ی بەیانی کاردەکەن.
لیژنه‌ی دیاریكردنی نرخی مۆلیدە ئه‌هلییه‌كان ڕاشیگەیاند، له‌كاتی كوژاندنه‌وه‌ی كاره‌بای نیشتیمانی نابێت كارپێكردنی مۆلیدە و پێدانی كاره‌با به‌هاووڵاتییان له (5) خوله‌ك زیاتر بخایه‌نێت، به‌پێچه‌وانه‌وه خاوه‌ن مۆلیدە‌كه سزاده‌درێت.
