کاتژمێرە درێژەکانی ڕۆژووگرتن لە مانگی ڕەمەزاندا ڕۆژوووان ناچار دەکات بە خواردنەوە و خواردنە تەندروستەکان بۆ ئەوەی قەرەبووی جەستەی بکاتەوە.
بۆ ئەوەی جەستە بە شێداری بمێنێتەوە، پێویستە لە کاتی جیاوازدا ئاو بخورێتەوە لە نێوان نانی بەیانی و سوهوردا بۆ پاراستنی شێداری لەش، شارەزایان ئامۆژگاری دەکەن کە پارچەیەک لیمۆ، خەیار، یان نەعنا بکرێتە ئاوەوە بۆ ئەوەی تامێکی نوێ و تەندروست بەرهەمبهێنێت، هەروەها ئاوی لیمۆ و ئاوی گوڵ بەکاربهێنرێت، چونکە ڤیتامین سی کە لە لیمۆدا هەیە هاوکار دەبێت لە هێشتنەوەی لەش بە سێداری.
شارەزایانی بواری خۆراک جەخت لەسەر گرنگی خواردنەوەی ئاوی گوێزی هیندی دەکەنەوە کە بەشێوەیەکی سروشتی دەوڵەمەندە بە ئەلکترۆلیت کە یارمەتی شێدارکردنەوەی جەستە دەدات، هەروەها لەبیرنەکردنی شەربەتی هەنار کە پڕە لە دژە ئۆکسان و ڤیتامین و کانزاکان کە یارمەتی بەرزکردنەوەی سیستەمی بەرگری لەش دەدات و هەرس باشتر دەکات.
خواردنەوەی چای نەعنا سوودی هەیە بۆ هەرسکردن، ئاوسانی سک کەمدەکاتەوە، تامێکی فێنک و تازەگەری پێدەبەخشێت، بەتایبەتی دوای ڕۆژوو شکاندن و خواردنی ژەمێکی سووک، بۆ پارشێوانیش شەربەتی خورما دەوڵەمەندە بە ماددە خۆراکیەکان کە وزە زیاد دەکەن.
لەکاتێکدا ماست خواردنەوەیەکی پرۆبایۆتیکە کە پاڵپشتی تەندروستی ڕیخۆڵە دەکات و یارمەتی هەرسکردن دەدات، هاوکات سەرچاوەیەکی باشی کالیسیۆم و پرۆتینیشە، گێزەر و ئاوی پرتەقاڵ سەرچاوەیەکی دەوڵەمەندە بە ڤیتامین A و C کە هەردووکیان سوودێکی زۆریان هەیە بۆ سیستەمی بەرگری لەش.
هاوکات سرکەی سێو یارمەتی هەرسکردن دەدات، ئاستی شەکری خوێن ڕێکدەخات و ژەهرەکان لە جەستەدا دەردەکات، بەڵام بە ڕێژەیەکی هاوسەنگ، و لە کۆتاییدا چای بابۆنی، زەنجەفیل یان هیبیسکوس بخورێتەوە، زەنجەفیل بەشدارە لە باشترکردنی هەرسکردن.
