كۆمیسۆنی ڕاگەیاند و پەیوەندییەكانی عێراق بڕیاری دا بە قەدەغەكردنی پەخشی زنجیرە درامای معاویە لە کەناڵی MBCـی عێراق و دەڵێت: دەبێتە هۆی مشتومڕ و ڕەنگە هاندان و ناکۆکی تائیفی لێبکەوێتەوە.
كۆمیسۆنی ڕاگەیاند و پەیوەندییەكانی عێراق، ئەمڕۆ شەممە لە ڕاگەیەندراوێكدا بڵاویكردەوە، پەخشکردنی زنجیرە درامای معاویە لە کەناڵیMBCـی عێراق قەدەغە دەکات، بەگوێرەی ئەو دەسەڵاتەی لە یاسای ژمارە 65ـی ساڵی 2004 پێیدراوە.
ئاماژەی بەوەشكردوە، پەخشکردنی ئەو زنجیرەیە كە سروشتێکی مێژوویی مشتومڕاوی هەیە، ڕەنگە ببێتە هۆی هاندان و ناکۆکی تائیفی و مەترسی لەسەر ئاشتی کۆمەڵایەتی دروست بکات، بەتایبەتی لەماوەی مانگی ڕەمەزانی پیرۆزدا.
دەشڵێت: كۆمیسیۆنەكە نووسراوێکی فەرمی بۆ بەڕێوەبەرایەتی کەناڵی MBCـی عێراق لەو بارەیەوە دەرکردوە و داوای کردوە پابەندی بڕیارەکە بێت و زنجیرەکە پەخش نەکات.
