وەزیری دەرەوەی تورکیا بەنیازە پێشنیاری تورکیا بۆ گفتوگۆی ئاشتی نێوان ڕووسیا و ئۆکراینا لە کۆبوونەوەیەکی سەرکردەکانی ئەوروپادا لە لەندەن بخاتە بەردەم ئامادەبووان بۆ ڕاگەیاندنی ئاگربەست و پرۆسەی ئاشتی.
سەرچاوەیەکی دیپلۆماتی تورکیا، بەئاژانسی ڕۆیتەرزی ڕاگەیاندووە، هاکان فیدان، وەزیری دەرەوەی تورکیا بەنیازە لە کۆبوونەوەیەکی سەرکردەکانی ئەوروپادا لە لەندەن جەخت لە پێشنیارەکەی تورکیا بکاتەوە بۆ میوانداریکردنی گفتوگۆکانی ئاشتی نێوان ڕووسیا و ئۆکرانیا.
ئەو سەرچاوەیە ئاماژە بەوەشدەکات، فیدان دەیەوێت پێشنیارەکەی تورکیا بگاتە سەرکردەکان بۆ دۆزینەوەی ئاشتییەکی هەمیشەیی و دادپەروەرانە، و هاوکات جەخت لە یەکپارچەیی و سەروەری خاکی ئۆکرایناش دەکاتەوە.
تورکیا پەیوەندییەکانی لەگەڵ ڕووسیا و ئۆکرانیاشدا پاراستووە. لە ماوەی جەنگەکەدا پشتیوانی سەربازیی بۆ ئۆکرانیا دابین کردووە و لە هەمان کاتیشدا ڕەتی کردووەتەوە بەشدار بێت لە سزاکانی ڕۆژئاوادا دژی مۆسکۆ.
لەمبارەیەوە ڕۆیتەرز لەزاری ئەو سەرچاوەیەوە بڵاویکردۆتەوە، پێشبینی دەکرێت هاکان فیدان جەخت لەوە بکاتەوە، کە ئامادەیە بۆ وەرگرتنی ئەم ڕۆڵە لە ماوەی داهاتوودا، چونکە پێشتریش لە هەوڵەسەرەتاییەکانی گفتوگۆ و گەیشتن بە ئاگربەست بۆ هەناردەی دانەوێڵە ڕۆڵی هەبووە و ئەنجامی باشی بەدەستهێناوە.
تورکیای ئەندام لە ناتۆ پەیوەندییەکانی لەگەڵ ڕووسیا و ئۆکرانیاشدا پاراستووە. لە ماوەی جەنگەکەدا پشتیوانی سەربازیی بۆ ئۆکرانیا دابین کردووە و لە هەمان کاتیشدا ڕەتی کردووەتەوە بەشدار بێت لە سزاکانی ڕۆژئاوادا دژی مۆسکۆ.
سەرچاوە/ ڕۆیتەرز
