بەپێی خشتەی پشووەكانی حكومەتی هەرێمی كوردستان، لە ماوەی مانگی ئازار و ڕەمەزانی پیرۆزدا 7 ڕۆژ دەبێتە پشووی سەرتاسەری بۆ فەرمانبەران و بۆ كەرتی پەروەردەش بەهۆی پشووی ڕۆژانی هەینی و شەممە و پشووی بەهارەوە پشووەكە زیاتر دەبێت.
بەپێی خشتەی پشووەكانی حكومەتی هەرێم، پشووەکانی ئازار سەرەتا بە 5ی ئازار، ڕۆژی دەستپێکردنی ڕاپەڕینی گەلی کوردستان دەست پێدەکات، کە دەکەوێتە ڕۆژی چوار شەممە و ڕۆژی 11ی ئازاریش یادی ڕاگەیاندنی ڕێککەوتننامەی 11ی ئازاری ساڵی 1970 دەکەوێتە ڕۆژی سێ شەممە.
هەروەها ڕۆژی 16ی ئازار یادی کمیابارانی هەڵەبجەیە، کە بە بڕیاری پەرلەمانی عێراق لە تەواوی عێراق و هەرێمی کوردستان کراوەته پشوو، دەکەوێتە ڕۆژی یەک شەممەوە.
هەروەها پشووی جەژنی نەتەوەیی نەورۆز، ئەمساڵ دەکەوێتە ڕۆژانی هەینی و شەممە و یەک شەممە.
ئەمە لەكاتێكدایە، كە بۆ كەرتی پەروەردە پشووەكانی مانگی ئازار زیاترن بەهۆی پشووی ڕۆژانی هەینی و شەممە و پشووی بەهارەوە، كە لە دوای 11ی مانگ دەستپێدەكات و تاوەكو 23ی مانگ دەخایەنێت.
