ڕۆژی چوارشەممە، بەبۆنەی ساڵیادی ڕاپەڕینەکەی 1991، لە هەرێمی کوردستان پشووی فەرمی دەبێت.
بەپێی خشتەی پشووەكانی هەرێمی كوردستان، رۆژی چوارشەممە کە دەکاتە 5ی ئازاری 2025، لە هەرێمی كوردستان پشووی فەرمییە بەهۆی یادی راپەڕینەكەی ساڵی 1991ـی خەڵکی هەرێمی كوردستان، لە پەرلەمانی كوردستاندا ئەو رۆژە بەیاسا كراوەتە پشوو لە تەواوی فەرمانگە حكومییەكانی هەرێمی كوردستان و ئەو یادە دەكرێتەوە.
هاوکات هەر لەم مانگەدا ڕۆژی 11ی ئاداریش یادی ڕاگەیاندنی ڕێککەوتننامەی 11ی ئاداری ساڵی 1970 دەکەوێتە ڕۆژی سێشەممە.
هەروەها ڕۆژی 16ی ئادار یادی کمیابارانی هەڵەبجەیە، کە بە بڕیاری پەرلەمانی عێراق لە تەواوی عێراق و هەرێمی کوردستان کراوەته پشوو، دەکەوێتە ڕۆژی یەکشەممەوە.
هەروەها پشووی جەژنی نەتەوەیی نەورۆز، ئەمساڵ دەکەوێتە ڕۆژانی هەینی و شەممە و یەکشەممە.
