کەشناسی هەرێم: ئەمڕۆ لەم شوێنانە نمەباران و کڕێوەی بەفر دەبارێت

کەشناسی هەرێم ڕایگەیاند، ئەمڕۆ ئاسمان ساماڵ دەبێت، لە دوای نیوەڕۆوە لە ناوچە شاخاوییەکان نمە باران و کڕێوەی بەفر دەبارێت.

بەپێی ڕاپۆرتی کەشناسی هەرێم، ئەمڕۆ شەممە، ئاسمان بەگشتى ساماڵ دەبێت لە دوای نیوەڕۆ دەگۆرێت بۆ نیمچە هەور لەگەڵ ئەگەری بارینی نمە باران و بەفر بە کڕێوە بە تایبەتی لە ناوچە شاخاوییەکان.

باسی لەوەشکردووە: پلەکانی گەرما نزیک دەبێتەوە بەراورد بە تۆمارکراوەکانی دوێنێ.

لە بارەی کەشوهەوای سبەینێ یەکشەممە، کەشناسی هەرێم دەڵێت: ئاسمان ساماڵ دەبێت لەگەڵ درووسبونی هەندێ پەڵە هەور، پلەکانی گەرما بەرز دەبێتەوە بە دوو بۆ سێ پلەى سیلیزى لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی

هەولێر: 14 پلەی سیلیزی

سلێمانی: 12 پلەی سیلیزی

دهۆک: 13 پلەی سیلیزی

کەرکوک: 15 پلەی سیلیزی

زاخۆ: 14 پلەی سیلیزی

هەڵەبجە: 12 پلەی سیلیزی

سۆران: 12 پلەی سیلیزی

حاجی ئۆمەران: 3 پلەی سیلیزی

گەرمیان: 16 پلەی سیلیزی