وەزارەتی دەرەوەی ئەڵمانیا ڕایگەیاند، ئۆکراینا بەتەنها نییە و لەگەڵ هەموو هاوپەیمانە ئەوروپییەکانمان پشتیوانی لێدەکەین.
ئەمەش دوای دەمەقاڵە توندەکەی نێوان دۆناڵد ترەمپ سەرۆکی ئەمریکا هات لەگەڵ ڤۆلۆدیمێر زیلینسکی سەرۆکیا ئۆکراینا و پێی وت جەنگەکە لەگەڵ ڕووسیا دەدۆڕێنیت.
میدیای ئەمریکا بڵاویکردەوە کە ترەمپ، سەرۆکی ئۆکراینای لە کۆشکی سپی دەرکردووە.
ترەمپ لەبەردەم ڕۆژنامەنووساندا بە توندی لەگەڵ زیلینسکی قسەی کرد و پێی وت هیچ کارتێکت بەدەستەوە نییە و ئەگەر پشتیوانی ئێمە نەبووایە لە ماوەیەکی کورتدا بەرامبەر بە ڕووسیا شکستت دەهێنا.
دوای ئەوەی سەرۆکی ئۆکراینا کۆشکی سپی بەجێهێشت، دۆناڵد ترەمپ پەیامێکی بڵاوکردەوە و ڕایگەیاند، زیلینسکی ئامادە نییە بۆ ئاشتی و هەرکاتێک ئاامدەبوو دەتوانێت بگەڕێتەوە.
