هەڕەشە و بڕیارەکانی سەرۆکی ئەمریکا لە دژی هاوبەشە بازرگانییەکانی وڵاتەکەی بوونەتە هۆی دابەزینی نرخی نەوت لە جیهاندا.
ئەمڕۆ هەینی نرخی بەرمیلێک نەوتی برێنت لە بازاڕەکانی جیهاندا بۆ 73 دۆلار و 48 سەنت دابەزی و نەوتی خاوی ئەمریکیش بە 69 دۆلار و 71 سەنتەوە مامەڵەی پێوەدەکرێت.
هۆکاری دابەزینی بەردەوامی نرخی نەوت بۆ بڕیارەکانی دۆناڵد ترەمپ، سەرۆکی ئەمریکا دەگەڕێتەوە کە لە ڕۆژی سێشەممەی داهاتووەوە دەست دەکات بە زیادکردنی گومرگی سەر کاڵا هاوردەکراوەکانی کەنەدا و مەکسیک و ئەگەریش هەیە باجی گومرگیی بە ڕێژەی 10٪ لەسەر بەرهەمەکانی کەرتی وزەی کەنەدا زیاد بکات.
زیادکردنی گومرگ لەسەر هاوبەشە بازرگانییەکانی ئەمریکا دەبێتە هۆی زیادکردنی خەرجی لەسەر بەرهەمهێنانی کەرتی وزە و ئەوەش سستبوونی گەشەی ئابووری لێدەکەوێتەوە.
