د. هەردی_مەهدی
نوسەر و مامۆستای زانکۆ
پەیامەکەی ئۆجالان گەر لە مەیدانیشدا (بالفعل) جێبەجێ نەکرێت تیۆری و (بیلقوە) دەرکە و پەنجەرەی زۆر فراوانی سیاسەتکردنی ورد و مانۆڕی تەکتیکیی بەرژەوەندیخوازانە بۆ کورد لەسەر ڕۆژئاوا و خەباتی مەدەنی باکوور و بگرە بۆ ئاشتەوایی قوڵتری نێوخۆی باشووریش (ینک و پدک) دەکاتەوە.
زۆر بیانووبڕی سیاسەتی ڕقخوازانەی تورکیا و وڵاتانی هەرێمایەتیشە. پێویست ناکات ئێمە ببینە دادوەر بیر لە باشی و خراپی پەیامەکە بکەینەوە، ئەوەندی گرنگە وەک سیاسەتی باڵا بیر لەوە بکەینەوە چۆن بەکاری بهێنینەوە و وەبەریبهێنین.
ڕێگای ئاقڵانەی سیاسەتکردن تێگەیشتن و توولەڕێگا پێچاوپێچەکانن، ڕێگای ئاسانیش خۆدزینەوە و حوکمدانی باشی و خراپە، ئەمە بۆ کورد باش نییە و خۆلادانە لە بیرکردنەوە و سیاسەتکردن.
ئیتر سیاسەتناس و سیاسەتوانی باشی دەوێت وەریبگێڕێتە سەر زەمینەی کەتوار و بڕگەبڕگە بۆ کوردستان و مرۆڤی کورد سیاسەتیی پێبکات.
