هاوشێوەی شارەکانی دیکەی کوردستان، بازاڕەکانی شاری کەرکووک وەک ئامادەکاری بۆ مانگی ڕەمەزان، جمەیان دێت لە کڕیار، بەو پێیەی خەڵکێکی زۆر بۆ کڕینی خۆراک و پێداویستییە سەرەکییەکانییان ڕوویان لە بازاڕەکانی شارەکە کردووە.
لە دیمەنێکی پڕ لە جوڵەدا، بازاڕەکانی شاری کەرکووک وەک ئامادەکاری بۆ مانگی ڕەمەزان و، جمەیان دێت لە کڕیار، بەو پێیەی خەڵکێکی زۆر بۆ کڕینی پێداویستییە سەرەکییەکانیانی بەربانگ کردنەوە و پارشێو وەک خۆراک و خورما ڕوویان لە بازاڕەکانی شارەکە کردووە.
لە بازاڕی “قورییە” و بازاڕی “گەورە” لە کەرکووک قەرەباڵغییەکی بەرچاویان بەخۆوە بینی، چونکە ھاووڵاتیان ھەوڵدەدەن پێداوایستییەکانیان بە نرخێکی گونجاو بکڕن.
عەلی سەعا فرۆشیارێکی کەلوپەل لە بازاڕی گەورەی شاری کەرکووکە و ڕایگەیاند لەگەڵ ھاتنی مانگی ڕەمەزاندا، بازاڕەکان جمەیان دێت.
ئاماژەی بەوەشدا کە لەگەڵ نزیکبوونەوەی مانگی ڕەمەزاندا، خەڵک زیاتر بەھارات، شەربەت، خورما و گۆشت دەکڕن.
ئەحمەد سوڵتان کە فرۆشیارێکی دیکەیە لە بازاڕی گەورەی کەرکووک، ڕایگەیاند کە بەرزبوونەوەی نرخی خۆراک و کەلوپەلەکان لە بازاڕەکاندا کاریگەریی نەرێنی لەسەر کڕین و فرۆشتن ھەیە.
