خەوتنی باش لە مانگی ڕەمەزاندا هەندێک جار گرفت بۆ ئەوانە دروستدەکات کە کاریان لە بەیانیاندایە و ئەوانەش کە سیستمی خەویان ناجێگیرە.
کاتێک پرسیاری ئەوە کرا کە چۆن پلانی باش دابنێیت بۆ ئەوەی لە مانگی ڕەمەزاندا بخەویت، چاتبۆتی “Chat GPT” وەڵامی دایەوە بە چەند ئامۆژگاریەک کە ڕەنگە سوودی هەبێت:
1.پێش مانگی ڕەمەزان هەوڵبدە خۆت بگونجێنیت
ئەگەر مرۆڤ هەوڵ بدات لە ماوەی پێش مانگی ڕەمەزاندا خشتەی خەوتنیان ڕێکبخات، دەکرێت وردە وردە کاتی خەوتن بگۆڕدرێت بۆ ئەوەی زیاتر لەگەڵ ئەو خشتەیەدا بگونجێت کە لە مانگی ڕەمەزاندا پێویستی پێی دەبێت، و ئامانجەکەش ئەوەیە لەماوەیەکی کەمدا خەوی پێویست بەدەستبخرێت بۆ گەڕانەوەی وزە بۆ لەش.
- پلانی خەوتنی کورتتر دابنێ
خەوتن لە دوای نوێژی نیوەڕۆ، بە تایبەتی خەوتنێکی کورت کە 20-30 خولەک بێت، یارمەتیدەرە بۆ بارگاویکردنەوەی وزەت و دوورکەوتنەوە لە هەستکردن بە ماندوێتی زۆر.
یان دەتوانی خەوی کورت لە نێوان مەغریب و عیشا بۆ چەند خولەکێک بۆ ئەوەی یارمەتیت بدات بۆ پشوودان و ئامادەکاری بۆ ئەنجامدانی نوێژی مەغریب و عیشا و تەراویح بە وزە و تەرکیزەوە.
- خەوتن دوای نوێژی بەیانی
بەو پێیەی هەندێک کەس زوو لە خەو هەڵدەستن بۆ پارشێو، دەتوانیت هەوڵبدەیت دوای نان بخەویتەوە. گرنگە 1.5 بۆ 3 کاتژمێر بخەویت بۆ ئەوەی یارمەتی پڕکردنەوەی وزە بدات، ئەمەش ڕێگەت پێدەدات بەدرێژایی ڕۆژ هەست بە ماندوێتی نەکەیت.
- پاراستنی شێداری لەش
کەم خواردنەوەی ئاو دەبێتە هۆی وشکبوونەوە و وادەکات خەوتن قورس بێت، گرنگە لە کاتی ڕۆژوو شکاندن و نانی ئێوارە ئاوێکی زۆر بخورێتەوە بۆ ئەوەی دڵنیا بیت لەوەی جەستە بە باشی شێدارە، واباشە لە خواردنی بڕێکی زۆر کافاین دوور بکەویتەوە، چونکە کاریگەری لەسەر جۆری خەو دەبێت.
5-دروستکردنی ژینگەیەکی ئارام بۆ خەوتن
شارەزایان بەگشتی پێشنیاری ئەوە دەکەن کە ژووری نوستن لەباربکرێت بۆ خەوتن، لەوانە تاریک کردنی ژوور و بێدەنگی و گونجاندنی کەش لە سەرما و گەرما، ئەگەر بتوانرێت پەردەی ڕەشکردنەوە بەکاردەهێنرێت بۆ ڕێگریکردن لە ڕووناکی بەیانی زوو، هەروەها دەکرێت گوێچکە بەکاربهێنرێت ئەگەر ژاوەژاو هەبێت لە کاتی خەوتندا.
6-دوورکەوتنەوە لە خواردنی ژەمە قورسەکان
شارەزایان ئامۆژگاری ئەوە دەکەن هەوڵبدرێت ژەمە گەورەکان ڕاستەوخۆ پێش خەوتن نەخۆیت، بەتایبەتی شەوانە دوای نوێژی تەراویح، ژەمە قورسەکان دەبێتە هۆی تێکدانی هەرس و کاریگەری لەسەر کوالێتی خەو.
7- پابەندبوون بە ڕۆتینێکەوە
پێویستە هەوڵبدەیت لە خەو هەڵبستیت و لە کاتی دیاریکراودا بخەویت، جەستە دەتوانێت باشتر خۆی بگونجێنێت ئەگەر ڕۆتینێکی دیاریکراو بپارێزرێت، تەنانەت لە مانگی ڕەمەزانی پیرۆزدا.
- وەرزشی ژیرانە بکە
ئەنجامدانی وەرزشی سووک، وەک ڕۆیشتن، دەتوانێت یارمەتیت بدات هەست بە وزەی زیاتر بکەیت، بەڵام پێویستە ڕاستەوخۆ پێش خەوتن دوور بکەویتەوە لە وەرزشی ماندووکردن، چونکە دەتوانێت خەوتن قورستر بکات.
- تەکنیکەکانی هەناسەدانی قووڵ یان ئیسراحەت
ئەگەر کەسێک کێشەی خەوتنی هەبوو، دەتوانێت هەناسەدانی قووڵ، یان ڕاهێنان بکات بۆ ئەوەی جەستە و دەروونی ئارام بکاتەوە پێش خەوتن.
بە پلاندانان بۆ خشتەی خەوتن و گرنگیدان بە پشوودان بە درێژایی ڕۆژ، دەتوانیت وزە و تەندروستی بە درێژایی مانگی ڕەمەزانی پیرۆز بپارێزیت.
