مه‌زڵوم عه‌بدی، فەرماندەی گشتی هێزەكانی سووریای دیموكرات (هەسەدە) گەیشتە ئەمریكا و له واشنتۆنی پایته‌خت كۆنگره‌یه‌كی ڕۆژنامه‌وانیی ڕێكده‌خات.
سینەم محەمەد، نوێنەری ئەنجوومەنی سوریای دیموکرات (مه‌سه‌ده) لە واشنتۆن ئاشكرایكرد، مه‌زڵوم عه‌بدی، فه‌رمانده‌ی گشتیی هێزه‌كانی سوریای دیموكرات، گەیشتوەتە ئەمریکا و له واشنتۆنی پایته‌خت كۆنگره‌یه‌كی ڕۆژنامه‌وانیی ڕێكده‌خات.
نوێنەری مەسەدە ڕاشیگه‌یاند، “كۆنگره ڕۆژنامه‌وانییه‌كه له یانه‌ی ڕۆژنامه‌گه‌ریی نیشتمانیی ئه‌مریكا رێكده‌خرێت”.
ئەمە لەكاتێكدایە، كە دەربارەی بانگهێشتی بۆ مەڕاسیمی دەستبەكاربوونی دۆناڵد ترەمپ، سەرۆكی ئەمریكا، مەزڵوم عەبدی ڕایگەیاند، كە ناتوانێت سەردانی ئەمریكا بكات بەهۆی ئەوەی پاسپۆرتی نییە.
