سەرۆكی پارتی دیموكراتی كوردستان پێشوازی لە سەرۆك كۆماری عێراق دەكات و بارودۆخی سیاسیی عێراق و ناوچەکە و پەیوەندییەکانی نێوان هەرێم و بەغدا تاوتوێ دەكەن.
بارەگای بارزانی بڵاویكردەوە، ئەمڕۆ چوار شەممە 26ـی شوباتی 2025 لە سەڵاحەددین مەسعود بارزانی پێشوازی لە دکتۆر لەتیف ڕەشید، سەرۆک کۆماری عێراق کرد.
ڕاشیگەیاندووە، لە دیدارەکەدا بارودۆخی سیاسیی عێراق و ناوچەکە و پەیوەندییەکانی نێوان حکومەتی هەرێمی کوردستان و حکومەتی عێراقی فیدڕاڵ و پێویستیی هەماهەنگیی لایەنەکان بۆ چارەسەرکردنی گرفتەکان تاوتوێ کرا.
ئەمە لەكاتێكدایە، كە هەر ئەمڕۆ، مەسعود بارزانی پێشوازی لە هادی عامری، ئەمینداری گشتیی ڕێکخراوی بەدر و سەرۆكی هاوپەیمانی فەتح كرد.
