ئەحمەد شەرع سەرۆكی قۆناغی ڕاگوزەری سووریا گەیشتە عەممان و لەلایەن شا عەبدوڵای پادشای ئوردنەوە پیشوازی لێكرا.
لە فڕۆكەخانەوە بەرەو كۆشكی (رەغدان)، شا عەبدوڵا خۆی شۆفیری بۆ ئەحمەد شەرع كرد.
لەدوای كەوتنی ڕژێمی بەشار ئەسەد لە 8ی 12ی 2024ەوە، ئەمە یەكەم دیداری پادشای ئوردن و ئەحمەد شەرعە.
لەماوەی دوو مانگی ڕابردوودا كە وەكو سەرۆكی قۆناغی ڕاگوزەری سووریا دیاریكراوە، ئەحمەد شەرع ئەمە سێیەم سەردانیەتی بۆ دەرەوەی وڵات، سەردانی یەكەمی بۆ سعودیە و دووەمیشی بۆ توركیا بوو.
