بەڕێوەبەری دابەشکردنی خۆراک لە سلێمانی ڕایدەگەیەنێت، دەستیان بە دابەشکردنی سەبەتەی خۆراکی مانگی یەک کردووە، بەڵام هێشتا بەشە خۆراکی تایبەت بە مانگی ڕەمەزانیان بۆ نەهاتووە.
کامەران فەتاح، بەڕێوەبەری دابەشکردنی خۆراک لە سلێمانی بە “تۆڕی میدیایی خەڵک”ی ڕاگەیاند: دەستیان بە دابەشکردنی سەبەتەی خۆراکی مانگی یەکی ئەمساڵ کردووە و پڕۆسەکەش بەردەوامە.
لە بارەی مادەکانەوە وتی: “برنج، شەکر، زەیت، نیسک، نۆک، لەتکە نۆک و فاسۆلیایە”.
لە بارەی بەشەخۆراکی تایبەت بە مانگی ڕەمەزانەوە ڕایگەیاند: تا ئێستا هیچ بەشە خۆراکێکی تایبەت بە مانگی ڕەمەزان نەهاتووە و هەرکاتێکیش هات دابەشی دەکەن.
