حكومەتی هەرێمی كوردستان بڕیاری لە ناردنی لیستی مووچەی مانگی 2 بۆ وەزارەتی دارایی عێراق دا و سیستمی پەیڕۆڵ تەواو كرا.
هیوا ئەفەندی، سەرۆکی فەرمانگەی تەکنەلۆژیای حکومەتی هەرێم و سەرپەرشتاری ئامادەکردنی لیستی مووچەی بە شێوەی پەیرۆڵ ڕایگەیاند، لە 20ی ئەم مانگەدا بەغدا داواکارییەکی بۆ ناردین و وتی، هەرچی فەرمانبەرێکی دیکە هەیە بۆ خانەنشین بوون جیای بکەنەوە و هاوکات ناوی فەرمانبەرانی مەدەنی و سەربازیش کرا بە یەک لیست.
ڕاشیگەیاند، بە سیستمی پەیڕۆڵ نزیکەی 680 هەزار کەس تۆماركراوە، بۆیە لیستی مووچەی مانگی 2 کەمێک دواکەوت.
ئاماژەی بەوەشکردوە، وەزیری دارایی عێراق داوای کردوە داتای سەرجەم مووچەخۆران دووبارە بنێرنەوە بۆمان و بیخەنە سیستەمی پەیرۆڵەوە. ئێستا سەرجەم کارەکان تەواو بووە و بە دڵنیاییەوە سبەینێ لیستی مووچەی مانگی 2 دەنێرین و هیچ کێشەیەک نەماوە لە لیستی مووچە.
ئاشكراشی كرد، لیستی مووچەی مانگی 2 دەكرێتە بنەمای مووچەی ئەمساڵ و بەهۆی ڕاگرتنی سەرمووچە و پلەبەرزكردنەوە و گواستنەوە لەلایەن بەغداوە، بۆیە بۆ لیستەكانی مانگەكانی دیكە ئاسانتر دەبێت.
جەختیشی كردەوە، ئەو فەرمانبەرانەی كەسوكاری شەهیدان بوون و بە هەڵە خانەنشین كرابوون، بۆ ئەم مانگە خراونەتەوە ناو لیستی مووچەی فەرمانبەرانەوە.
