بەرامبەر جێبه‌جێكردنی كاره‌كانیان بۆ پاراستنی تەندروستی گشتی و ڕێگریکردن لەکاری نایاسایی، فەرمانگەی داواکاری گشتی سلێمانی سوپاس و پێزانین ئاراستەی قائیمقام و سه‌رجه‌م ئه‌ندامانی لیژنە هاوبەشەکان کرد.
لە نوسراوێكدا كه‌له‌لایه‌ن دادوه‌ر مه‌هدی ڕه‌شید فه‌ره‌ج، سه‌رۆكی فه‌رمانگه‌ی داواكاری گشتی سلێمانی واژۆ كراوه و ئاڕاسته‌ی قائیمقامییه‌ت كراوه، تیایدا هاتووه: بەناوی فەرمانگەکەیانەوە سوپاس و پێزانینی خۆیان ئاراستەی هەریەک لە قائیمقام، سەرجەم لێپرسراوانی بەش، هۆبە، فەرمانبەر و سەرۆک و ئەندامانی لیژنە هاوبەشەکانیان دەکەن لەپای ئەو ئەرک و ماندوبونەی لەپێناو پاراستنی تەندروستی هاوڵاتیان ئەنجامی دەدەن.
ده‌شڵێت: چاودێریکردن و پشکنینی شوێنە گشتییەکان له‌سنوری کارگێڕی قائیمقامییەتتان و بەدواداچونی جێبەجێکردنی یاسا و رێنماییەکانی تایبەت بە ئیش و کارەکانتان بۆ بەدواداچونی کوالێتی، نرخی خۆراک و کاڵاو پێداویستییەکان جێگه‌ی ده‌ستخۆشییه و هیوای بەردەوامییان بۆ دەخوازن.
ئاراستەکردنی ئەو سوپاسە فەرمییە، دوای ئەو دێت کە لە رۆژی (17ی شوباتی 2025) دادوەر مەهدی ڕەشید، سەرۆكی فەرمانگەی داواکاری گشتی سلێمانی سەردانی قائیمقامیەتی کرد و لەگەڵ ئاوات محه‌مه‌د، قائیمقام و ئه‌ندامانی لیژنە هاوبەشەکان کۆبووەوە و پشتگیری یاسایی بۆ کارەکانیان دوپات کردەوە.
