وەزارەتی دارایی و ئابووری هەرێم، دابەشکردنی مووچەی تشرینی یەکەم و تشرینی دووەمی مامۆستایانی گرێبەستی خوێندنی باڵای ڕاگەیاند.
بەپێی ڕاگەیەندراوی وەزارەتی دارایی و ئابووری هەرێم، تیایدا هاتووە: لەسەر بڕیاری وەزیری دارایی و ئابووری، دوای تەواو کردنی سەرجەم ڕێکارەکانی وردبینی و ژمێریاری لەوەزارەتی خوێندنی باڵا و گەیشتنی لیستەکانیان بۆ گەنجینەکانی وەزارەتی دارایی.
دەشڵێت: “ڕۆژی چوارشەممە 26ی شوباتی 2025، مووچەی مانگی تشرینی یەکەم و تشرینی دووەمی مامۆستایانی گرێبەستی وەزارەتی خوێندنی باڵا بەپێی بەرواری دەست بەکاربونیان دابەش دەکرێت کە تەمویلەکەیان لەسەر داهاتی ناوخۆ خەرج دەکرێت”.
