نرخی ئەمپێری مۆلیدەی کۆمەڵگاکانی نیشتەجێبوون، ستیەکان دیاریکرا، کە بۆ هەر کیلۆواتێک 271 دینار دیاریکراوە.
بەپێی ڕاگەیەندراوی بەڕێوەبەرایەتی گشتی کارەبای سلێمانی تیایدا هاتووە: ئەمڕۆ سێشەممە لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) کۆبوونەوەیەکی سازکردو تیایدا نرخی کیلۆواتی کارەبای مۆلیدەی بۆ مانگی شوبات دیاریکرد، کە بریتییە لە 271 دینار بۆ هەر کیلۆواتێک.
باس لەوەشکراوە: بەگوێرەی نرخی گازوایل لەبازاڕ و ئەو توێژینەوەیەی بۆ خەرجی مۆلیدەی_ستییەکان ئامادەکراوە، نرخی کیلۆوات ئاوەڕێک کارەباى مۆلیدەى ستییەکان بۆ ئەم مانگە (شوبات) بریتییە لە 271 دینار.
ئەوەشی وەبیرهێناوەتەوە، پێویستیشە سەرجەم ستیيەکانی سنووری پارێزگای_سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.
