وەزارەتی کارەبای هەرێمی کوردستان چارەسەرکردنی ئەو گرفتەی ڕاگەیاند کە بووە هۆی کەمبوونەوەی 2500 مێگاوات کارەبا.
وەزارەتی کارەبای هەرێمی کوردستان ڕایگەیاند، کەمال محەمەد، وەزیری کارەبا بەدواداچوون و چاودێریی دۆخی کارەبای کرد کە دووەم جارە تۆڕی کارەبای هەرێم دووچاری کەمبوونەوەی بەرهەمهێنانی کارەبا بووەوە، کە بەهۆی گرفتە تەکنیکییەکانی کۆمپانیای دانە غاز لە کێڵگە کۆرمۆر ڕووی داوە.
ڕاشیگەیاند، هەردوو تیمی وەزارەتی سامانە سروشتییەکان و وەزارەتی کارەبا بە هەماهەنگیی لەگەڵ کۆمپانیای دانە غاز توانیویان چارەسەری گرفتەکە بکەن و 2500مێگاوات کارەبا گەڕایەوە ناو تۆڕی کارەبای هەرێم.
سەرلەبەیانی ئەمڕۆ وەزارەتی کارەبا ڕایگەیاند، بە هۆی گرفتێکی تەکنیکییەوە هەناردەی غاز لە کێڵگەی کۆرمۆر بۆ وێستگەکانی بەرهەمهێنانی کارەبا ڕاگیرا و ئەوەش وایکرد کە 2500 مێگاوات کارەبا کەمبێتەوە.
