ئەو شەپۆلە بەفر و سەرمایەی لە پێنج شەممەی هەفتەی ڕابردووەوە هەرێمی كوردستانی گرتۆتەوە و بەتایبەتیش، كە دوو شەوە پلەكانی گەرما دابەزیون بۆ ژێر سفری سەدی، ئەمشەو دەگاتە نزمترین پلە و بە ساردترین شاوی ئەمساڵ هەژمار دەكرێت.
ئاراس جەبار، شارەزای كەشناسی بۆ (خەڵك) ڕایگەیاند، لەئەنجامی گەیشتنی ناوەندی بارستە ھەوا ساردەکەی جەمسەری باکور ئەمڕۆ لە سەرتاسەری ناوچەکان پلەکانی گەرما نزمبوونەوەیەکی بەرچاوی بەخۆوە بینی و ئەمشەو بۆ کاتەکانی بەرەبەیان ساردترین ماوەی کاریگەری ئەو شەپۆلە ئەبێت لەسەر تەواوی ناوچەکانی ھەرێمی کوردستان و عێراق و سووریا و باکوری کوردستان و ڕۆژھەڵاتی کوردستان و ناوچەکانی باکووری سعودیە .
نزمترین پلەی گەرمی پێشبینیکراو بۆ ئەمشەو و کاتەکانی بەرەبەیانی سبەی سێ شەممە 25/2/2025 بەم شێوەیە ئەبێت:
سلێمانی 7 پلە ژێر سفر
ھەولێر 4 پلە ژێر سفر
دھۆک 4 پلە ژێر سفر
کەرکوک 2 پلە ژێر سفر
ھەڵەبجە 3 پلە ژێر سفر
سۆران 6 پلە ژێر سفر
پێنجوێن 13 پلە ژێر سفر
حاجی ئۆمەران 17 پلە ژێر سفر
زاخۆ 5 پلە ژێر سفر
رانیە 5 پلە ژێر سفر
کەلار 2 پلە ژێر سفر
ئاماژەی بەوەشكرد، ساردین لوتکەی چیا لەسەر ئاستی عێراق و ھەرێمی کوردستان لوتکەی چیای ھەڵگوردە 27 پلە ژێر سفر ئەبێت.
ڕووونیشی كردەوە، لوتکەی چیای پیرەمەگرون 16 پلە ژێر سفر و چیای ئەزمەر 11پلە ژێر سفر و چیای کوڕە کاژاو 14 پلە ژێر سفر.
ڕاشیگەیاند، سبەی پلەکانی گەرما بەجێگیری ئەمێنێتەوە لە دوو سبەی چوار شەممەوە 26/2/2025 پلەی گەرمی کاتەکانی ڕۆژ بەرەو بەرزبوونەوە ئەچێت تا کۆتایی ھەفتە بەرێژەی 3 تا 6 پلە، بەڵام لەشەواندا تا سەرەتای ھەفتەی داھاتوو پلەی گەرمی گۆڕانکاری ئەوتۆی بەسەردا نایەت و بەستن و دروستبوونی شەختە بەردەوامی ئەبێت.
