دوای گیرخواردنیان بەهۆی زۆری بارینی بەفرەوە، دوو پاسەوانەکەی سنوور لە مەرزی کێلێ ڕزگاركران.
عەلی قادر، وتەبێژی بەڕێوەبەرایەتی بەرگری شارستانی راپەڕین ڕایگەیاند، ئەو دوو پاسەوانە لە دوایین خاڵی سنووری نێوان هەرێم و وڵاتی ئێران گیریان خواردبوو، بەڵام بە هاوکاری تیمەکانی چاککردنەوەی رێگەوبان کەمێک لەمەوبەر ڕزگار کران و باری تەندروستییان جێگیرە و باشن.
ماوەی دوو ڕۆژە ئەو دوو پاسەوانەی سنوور، كە لە ئەركدا بوون بەهۆی بارینی بەفرێكی زۆرەوە گیریان خواردووە و داوای بەهاناوەچوونیان دەكرد و تیمەكانیش بەردەوام خەریكی ڕاماڵینی بەفر بوون تاوەكو ڕێگای گەیشتن بەو پاسەوانانە بكەنەوە.
