زێڕ نرخی پێوانەیی شكاند

نرخی زێڕ لە بۆڕسەی جیهانی و بازاڕەكانی هەرێمی كوردستان بەردەوام لە بەرزبوونەوەدایە و گەیشتۆتە بەرزترین نرخ لە مێژووی خۆیدا.

دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی زێڕ لە بەرزبوونەوەدایە و ئەمڕۆ نرخی یەك ئۆنسە گەیشتۆتە 2 هەزار و 947 دۆلار و 80 سەنت.

ڕاشیگەیاند، نرخی یەك مسقاڵ زێڕی عەار 24 گەیشتۆتە 717 هەزار دینار و عەیاری 21 بووە بە 626 هەزار دینار و عەیاری 18 بووە بە 536 هەزار دینار.

ئەمە لەكاتێكدایە، كە بەراورد بە ساڵێك لەمەوبەر نرخی یەك ئۆنسە هەزار دۆلار بەرزبۆتەوە و نرخی یەك مسقاڵیش نزیكەی 200 هەزار دیناری چۆتەسەر.