هاتووچۆى سۆران شۆفێران ئاگادار دەکاتەوە نەچن بۆ سیدەکان و دەڵێت”لەکاتی پێویستدا نەبێت مەچن و زنجیر ببەستن”.
هاتووچۆى سۆران، لەبڵاوکراوەیەکدا ڕایگەیاند، بەهۆى دابەزینى پلەکانى گەرماوە ڕێگەى قەزاى سیدەکان”یەک پارچە شەختەبەندە” و ئەگەر زۆر پێویست نەبن، هاتووچۆى قەزاى سیدەکان نەکەن.
بەگوێرەى ڕاگەیەندراوەکە، بەڕێوەبەرایەتیى هاتووچۆى سۆران داوا لە شۆفێران دەکات ئەگەر ناچاربوون سەفەر بۆ سیدەکان بکەن، ئەوا دەبێت زنجیر ببەستن لە تایەكان.
هەروەها دەشڵێت،”ئەفسەر و كارمەندانی بەشی قەزای سیدەكان لە ئامادەباشیدان بۆ هەر ئەگەرێكی نەخوازراو و پێدانی ڕێنمایی بۆ شوفێران”.
