دوو كارمەندی پاسەوانی سنوور لە مەرزی كێلێ لە بەفردا گیریان خواردووە و ماوەی دوو ڕۆژە هەوڵەکان بۆ ڕزگارکردنیان بەردەوامە.
بەڕێوەبەرایەتی بەرگری شارستانیی ڕاپەڕین بڵاویکردەوە، بۆ ڕۆژی دووەم تیمەکانی بەرگری شارستانی بە هاوبەشی پۆلیسی پاسەوانی سنوور و تیمی ڕاماڵینی بەفر، بەردەوامن لە بەهاناوەچوون و ڕزگارکردنی ئەو دوو کارمەندەی پاسەوانی سنوور، کە لە مەرزی کێلی لەناو بەفر گیریان خواردبوو.
ماوەی سێ ڕۆژە شەپۆلێكی بەهێزی بەفر و سەرما ناوچەكانی هەرێمی كوردستانی گرتۆتەوە و بەهۆی زۆری بەفر و دابەزینی پلەی گەرماوە دوو ڕۆژە لە چەند ناوچەیەك دەكرێت بە پشوو.
