کەشناسی هەرێم ڕایگەیاند، ئەمڕۆ ئاسمان لە نێوان ساماڵ و نیمچە هەور دەبێت، لەناوچە شاخاوییەکانی سنووری ڕۆژهەڵات و دەڤەری باڵەکایەتی ئەگەری بارینی بەفر هەیە.
بەپێی ڕاپۆرتی کەشناسی هەرێم، ئەمڕۆ دووشەممە، ئاسمان لە نێوان ساماڵ و نیمچە هەور دەبێت، لەگەڵ ئەگەری دابارینی بڕێکی کەم لە بەفر لە ناوچە شاخاوییەکانی سنووری رۆژهەڵات و دەفەری باڵەکایەتی پاشان لەکاتەکانی ئێوارە ئاسمان بەرەو ساماڵ دەگۆڕێت لەگەڵ دروست بوونى شەختە لەزۆربەی ناوچەکاندا.
دەشڵێت: پلەکانی گەرما کەمێک نزم دەبێتەوە لە تۆمارکراوەکانى دوێنێ.
باسی لەوەشکردووە: سبەینێ سێشەممە، ئاسمان ساماڵ و پەڵە هەور و سارد دەبێت، لەگەڵ دروست بوونى تەم لە بەشێک لە ناوچە شاخاوییەکان، هەروەها شەختە لە کاتەکانى بەیانیدا.
بەرزترین پلەکانی گەرمای پێشبینیکراو بە پلەی سیلیزی:
هەولێر: 7 پلەى سیلیزى
سلێمانی: 4 پلەى سیلیزى
دهۆک: 4پلەى سیلیزى
کەرکوک: 7 پلەى سیلیزى
زاخۆ: 4 پلەى سیلیزى
سۆران:1 پلەى سیلیزى
حاج ئۆمەران:-7 پلەى سیلیزى
هەڵەبجە: 3 پلەى سیلیزى
گەرمیان: 10 پلەى سیلیزى
