دوای هەوڵەکان بۆ دەستپێکردنەوەی هەناردەی نەوتی هەرێم لە ڕێگەی کۆمپانیای سۆمۆوە، نرخی نەوت لە بازاڕەکانی جیهان نزمبوونەوەی بەخۆیەوە بینی.
ئەمڕۆ دووشەممە، نرخی بەرمیلێک نەوتی برێنت بە 73 دۆلار و 98 سەنت مامەڵەی پێوەدەکرێت.
هاوکات یەک بەرمیل نەوتی خاوی ئەمریکا بە 70 دۆلار و 28 سەنت دەفرۆشرێت.
هەرچی نرخی زێڕیشە یەک ئۆنسەی بە دوو هەزار و 938 دۆلارە.
ئەمە لەکاتێکدایە بڕیارە دووبارە نەوتی هەرێمی کوردستان لە ڕێگەی بەندەری جەیهانی تورکیاوە لە لایەن کۆمپانیای سۆمۆی عێراقی هەناردەی دەرەوە بکرێتەوە.
