دوابەدوای ڕاگەیاندنی پشوو لە كەركوك و سەڵاحەدین و هەڵەبجە “ناحیەكانی بیارە و تەوێڵە” و قەزای چۆمان، پارێزگاری نەینەوا بڕیاریدا سبەینێ بۆ خوێندكاران بكرێتە پشوو.
پارێزگای نەینەوا لە ڕاگەیەنراوێكدا ئاماژەی بەوەكردووە، بەهۆی شەپۆلی سەرما و مەترسی بەستنی شەقامەكان، بڕیاریانداوە سبەینێ دوو شەممە بۆ خوێندنگەكان بكرێتە پشووی فەرمی.
ڕاشیگەیاندووە، ئەو پشووە تەنها بۆ خوێندنگەكانە، بەڵام بۆ فەرمانبەران كاتی دەوام دەگۆڕێت و بەیانییەكەی لەجیاتی كاتژمێر 8 لە كاتژمێر 9ی بەیانی دەوام دەستپێدەكات.
