قائیمقامیەتی قەزای چۆمان بڕیاریدا بەهۆی سەرما و بەستنی شەقامەكانەوە سبەینێ بۆ خوێندكاران بكات بە پشوو.
قائیمقامیەتی قەزای چۆمان لە ڕاگەیەنراوێكدا ئاماژەی بەوەكردووە، ئەو شەپۆلە بەفربارینەی ئەمڕۆ سسنوری قەزای چۆمان و ناحییەکانی گرتۆتەوە، بەهۆی دابەزینی پلەکانی گەرما بۆ خوار ( -٩ هەتا -٢٠ ) لە سنوری چۆمان و ناحیەکانی سنورمان، بە ڕاوێژی شارەزاییانی کەشناسی، کە مەترسی لەسەر هاتووچۆکردنی قوتابییان، بەهۆی بەستەڵەکی شەقام و ڕێگاکان ئەگەرێکی چاوەڕوانکراوە، لەسنوری قەزای چۆمان و ناحیەو گوندەکان.
ڕاشیگەیاندووە، لە پێناو بەرژەوەندی گشتی بۆ سەلامەتی مامۆستا و قوتابیان و فەرمانبەرانی دام و دەزگاکانی حکومەت، لەسەر راسپاردەی قائیمقامی قەزاکەمان (ئەحمەد بارزان عەلی کۆ) بڕیاردرا بە پشووی فەرمی لە سەرجەم دامو دەزگاکانی حکومەت و قوتابخانەکانی (حکومی ) و پەیمانگەکانی سنوری بەڕێوەبەرایەتیی پەروەردەی چۆمان، جگە لەو قوتابیانەی کە بەشداری ئەزموونە دەرەکییەکان دەکەن، بۆ رۆژی دوو شەممە ڕێکەوتی (٢٠٢٥/٢/٢٤ ) پشووی فەڕمی سەرجەم دامەزراوەکان دەبێت.
ئاماژەی بەوەشكردووە، داوا لە هاووڵاتیان دەکەین بەبێ شارەزابوونیان بەبێ زنجیر و ئۆتۆمبێلی دەبڵ ئەکسڵ سەردانی شوێنە شاخاوییەکانی سنورمان نەکەن، هیوادارین لە ڕۆژانی داهاتوو دوای ئاسایی بوونەوەی کەش و هەوا ڕووبکەنە نێو بەفر و چێژ لە جوانییەکانی بەفر وەربگرن.
