هێزەکانی سووریای دیموکرات دەستگیرکردنی شانەیەکی نوستووی داعش ڕادەگەیەنێت و دەڵێت” سێ تیرۆریستییان دەستگیرکردووە کە ئەندام بوون لە شانەکەدا”.
هێزەکانی سووریای دیموکرات لە تۆڕی کۆمەڵایەتی ئێکس ڕایگەیاند، هێزەکانی بەردەوامن لە ئۆپەراسیۆنە ئاسایشی و سەربازییەکانی لە سەرانسەری ناوچەکانی باکوور و ڕۆژهەڵاتی سوریادا دژی شانەکانی داعش.
ئاماژەی بەوەشداوە، ڕۆژی چوارشەممە تیمی ئۆپەراسیۆنە سەربازییەکانی سەر بە هێزەکانمان ئەرکێکی ئاسایشی وردییان ئەنجام داوە و شانەیەکی ڕێکخراوی داعشییان لە شاری ڕەققە لە ناوبردووە.
ئەوەشی خستۆتەڕوو، دوای کۆکردنەوەی زانیاری هەواڵگری ورد و تەواو لەسەر چالاکییە تیرۆریستییەکانی شانەکە، توانیویانە شوێنی خۆحەشاردانییان بدۆزنەوە، و چواردەوریان گرتوون و سێ تیرۆریستییان دەستگیرکردووە کە ئەندام بوون لە شانەکەدا.
On Feb. 19, our TOL teams successfully dismantled an ISIS terrorist cell, capturing 3 terrorists. The cell was responsible for acts of sabotage & terrorist attacks on our forces & civilians. Our forces remain committed to eliminating ISIS threats & ensuring the region’s security. pic.twitter.com/RdqVnSfGLB
— Syrian Democratic Forces (@SDF_Syria) February 22, 2025
بەپێی بڵاوکراوەکەی هێزەکانی سووریای دیموکرات، شانەکە چەندین ئەرکی تیرۆریستییان دژی هەسەدە و هێزەکانی ئاسایشی ناوخۆ و هاووڵاتییانی مەدەنی ئەنجام داوە، کاریشیان کردووە لەسەر دروستکردنی بێسەروبەریی لە ڕێی ئەنجامدانی کاری تێکدەرانەوە دژی دامەزراوە گشتی و تایبەتەکان.
هەسەدە جەختیشدەکاتەوە، سەرەڕای سەرقاڵبوونیان بە بەرپەرچدانەوەی هێرشەکانی تورکیا و گرووپە چەکدارەکانی سەربەوان، بەڵام بەردەوام دەبن لە لەناوبردنی چەکداران و شانەکانی ڕێکخراوی تیرۆریستی داعش و ڕێگەیان نادەن خۆییان ڕێکبخەنەوە و هێرشی تیرۆریستی لە ناوچەکان ئەنجام بدەن.
