بەهۆی سەرما و نزم بوونەوەی پلەكانی گەرما و مەترسی بەستنی شەقامەكان، دوو ڕۆژ لە سنووری پارێزگای كەركوك لە سەرجەم ناوەندەكانی خوێندن كرا بە پشوو.
نوسینگەی راگەیاندنی رێبوار تەها، پارێزگاری کەرکوک لە ڕاگەیەنراوێكدا ئاماژەی بەوەكردووە، بەهۆی نزمبوونەوەی پلەکانی گەرماوە رۆژانی دوو شەممە و سێ شەممە لە سەرجەم ناوەندەکانی خوێندن (سەرەتایی و ناوەندی و ئامادەیی) پشووی فەرمی دەبێت.
ئەمە لەكاتێكدایە، كە شارەزایانی بواری كەشناسی هۆشداری لە دابەزینی پلەكانی گەرما بۆ ژێر سفری سەدی و بەستنی شەقامەكان دەدەن.
